SHËRBIMET TONA
Regjistrimi i biznesit
Regjistrimi i të gjitha bizneseve në ARBK dhe përgatitje e dokumentacionit.
FMT është partneri juaj i besueshëm për përgatitjen e të gjitha dokumentacioneve të nevojshme për aplikimin e regjistrimit të biznesit tuaj. Ne ofrojmë një gamë të gjerë të shërbimeve për të udhëzuar ju në çdo hap të këtij procesi të rëndësishëm. Ju përgadisim të gjitha dokumentet që ju duhen për hapjen e biznesit tuaj duke përfshirë formularin e aplikimit, dokumentet e identifikimit (letërnjoftim, pasaportë), pëlqimi i përfaqësuesit dhe gjithëçka tjetër është në duart tona.
Mbajtja e librave
Libri i blerjes, libri i shitjes, libri i shpenzimeve, libri i arkës, libri i bankës.
Në përkujdesjen dhe menaxhimin e të gjitha librat për të cilat biznesi juaj ka nevojë, ne jemi përkushtuar për të siguruar një nivel të lartë të organizimit në dokumentacionet financiare. Duke përfshirë librin e blerësve, librin e shitësve, librin e arkës, librin e shpenzimeve dhe librin ebankës. Të gjitha planifikohen dhe pastaj kontrollohen në mënyrë të detajuar, pasi që të gjitha llojet e librave shfaqin pasqyrën e biznesit andaj çdo libër është i ndjeshëm. Ne kemi kujdesin e shtuar në çdo shifër.
Pasqyrat financiare
Bilanci i gjendjes, pasqyra e të ardhurave, pasqyra e rrjedhës së parasë, pasqyra e ndryshimit në ekuitet.
Analiza e pasqyrave financiare është një proces gjykimi që synon të vlerësojë pozicionin financiar të kaluar dhe atë të tashmin në një kompani. Objektivi parësor i saj është përcaktimi, parashikimi dhe vlerësimi më i mirë i kushtve ekonomike dhe perforamances në të ardhmen.
Përpjekjet për të bërë një analizë financiare i shohim në çdo organizatë të pajisur me autonomi financiare, siç janë: shoqëritë tregtare, firmat, shoqatat e ndryeshme, institucionet publike, ato financiare, etj. Analiza e pasqyrave financiare është një metodë e krahasimit, gjykimit ose e vlerësimit të gjendjes së vlerave të pjesëve të catuara të bilanceve, në bazë të cilave merrën vendimet e rëndësishme. Pra, analiza financiare, është një analizë e bilanceve për të kaluarën, të tashmën dhe të ardhmën e ndërmarrjës. Vlerat e pozicioneve të bilanceve veç e veç nuk kanë rëndësi të larta analitike. Por, nëse ato i krahasojmë me vlerat e pozicioneve të tjera të bilancit atëherë vlera krahasese e tyre rritët.
Për shembull, nëse i pjestojmë të hyrat nga shitja me numrin e blerësve, atëherë fitojmë një tregues mbi xhiron për një të punësuar që është një tregues i rëndësishëm mbi produktivitetin e ndërmarrjës. Objektivi i pasqyrave financiare është dhënja e informacioneve rreth pozicionit financiar, performancës financiare dhe ndryshimeve në pozicionin financiar të një entiteti, të cilat janë të përdorshme prej një game të gjerë përdorusish në marrjen e vendimeve të tyre ekonomike.1 Pasqyrat financiare paraqesin fazën përfundimtare të procedimit të të dhënave të kontabilitetit dhe paraqiten si bartës të informative kontabile. Pasqyrat financiare janë prezentime financiare të strukturuara të gjendjes financiare dhe transaksioneve të kryera nga ana e ndërmarrjes. Sipas SNK/IAS, pasqyrat financiare sigurojnë informacion për: Mjetet Detyrimet Kryegjënë Të hyrat dhe të dalat Rrjedhjen e parasë Pasqyrat financiare janë të nevojshme, sepse ato ndihmojnë përdoruesit e ndryshmëm të tyre, të marrin vendime ekonomike të drejta, si dhe të kuptojnë raportimin financiar me qëllim që të përmirësojnë vendimmarrjen.
Libri i të punësuarve
Kalkulimi i pagave, tatimet dhe kontributet pensionale.
Ne përfshijmë kalkulimin e pagave për punonjësit tuaj, duke përfshirë çdo elementet si pagesat baze, bonuset, ose pagesat për orë shtesë. Përveç kësaj, ne kujdesemi për kalkulimin e tatimit në pagat e tyre, duke identifikuar dhe zbatuar të gjitha detyrimet tatimore në përputhje me ligjin dhe rregulloret aktuale. Në librin e punësuarve gjithashtu përfshihen kontributet pensionale, duke siguruar që të gjitha kontribute të duhura të shlyhen në kohë dhe në përputhje me rregulloret e pensioneve.
Deklaratat tatimore në ATK
Deklaratat mujore, tremujore, vjetore, deklaratat e pagave të punëtorëve, deklarata e qirasë.
Ligji kërkon që të gjitha bizneset të përmbushin detyrimet e tyre ndaj shtetit. Në këtë drejtim, ne jemi të gatshëm të ofrojmë ndihmë për klientët tanë në përpilimin dhe dorëzimin e deklaratave mujore, tre mujore dhe vjetore në ATK. Përveç deklaratave të tatimeve, ne gjithashtu ofrojmë asistencë në deklarimin e punonjësve dhe në llogaritjen e kontributeve të tyre në sigurimet shoqërore. Në fund, përjashtimisht nga detyrimet tatimore dhe sigurimet shoqërore, ne ofrojmë ndihmë edhe për deklarimin e qerajeve të lokalit apo tokës ku biznesi kryen aktivitetet e tij.
Kontrata të ndryshme
Kontrata të punëtorëve, kontrata të qirasë.
FMT ju siguron shërbime të plota për strukturimin dhe përpilimin e kontratave, duke filluar nga kontratat e punëtorëve deri te kontratat e qerasë dhe marrëveshjet e tjera të ndryshme. Ne ofrojmë ekspertizë të lartë në hartimin e dokumenteve kontraktuale, duke u siguruar që ato janë të strukturuara në përputhje të plotë me ligjet dhe rregulloret. Çdo kontratë është e përshtatur me kërkesat specifike të klientit dhe nënshkruhet nga të gjitha palët e përfshira në bazë të një procesi të qartë dhe transparent të pëlqimit reciprok.
Këshilla biznesore
Kompania jonë këshillon të gjitha llojet e bizneseve, fizike dhe juridike.
Nëse bizneset kanë nevojë për këshilla financiare apo menaxheriale, FMT është gjithmonë e hapur të këshilloj të gjitha llojet e bizneseve për cfarëdo situate që ata kanë nevojë që të gjejnë problemin apo zgjidhjen. Ne jemi mjaftë të kënaqur kur një biznes apo person fizik kërkon këshilla financiare apo menaxheriale nga ana jonë. Ku sipas përvojës shumë vjecare shumë biznese kanë arritur objektivat dhe qëllimet e tyre nga këshillat tona.
Auditim
Auditim i brendshëm dhe i jashtëm
Me stafin profesional të FMT, jemi në gjendje të ofrojmë shërbime të specializuara për auditimin e firmave në të gjitha fushat e veprimtarisë, duke përfshirë auditimin e jashtëm dhe të brendshëm. Me një ekip të kualifikuar dhe me përvojë në fushën e auditimit, ne jemi në dispozicion për të kryer auditime të qëndrueshme dhe të sakta për biznese të çfarëdoshme. Auditimi i jashtëm që ofrojmë është i fokusuar në dhënien e një opinion të pavarur mbi pasqyrat financiare të kompanisë suaj, duke garantuar që ato janë të sakta dhe të besueshme. Auditimi i brendshëm, nga ana tjetër, është një mjet i fuqishëm për menaxhimin e riskut dhe përmirësimin e efikasitetit operacional.
Revizioni
Revizioni është një proces i rëndësishëm që përfshin shqyrtimin dhe kontrollimin e veprimtarisë ekonomike dhe financiare të një ndërmarrjeje ose institucioni. Ky proces është thelbësor për të siguruar që të gjitha transaksionet financiare dhe operacionet ekonomike të kryhen në përputhje me rregullat dhe standardet përkatëse. Rivizioni ndihmon në identifikimin e çdo mospërputhje ose anomalie që mund të ndikojë në performancën dhe qëndrueshmërinë financiare të një organizate, duke ofruar një pamje të qartë dhe të besueshme të gjendjes financiare.
Kontabilitet Menaxherial
Menaxhim, kontroll dhe implementim
Kontabiliteti menaxherial është praktika e identifikimit, matjes, analizës, interpretimit dhe komunikimit të informacionit financiar tek menaxherët për ndjekjen e qëllimeve të një organizate.
Kontabiliteti menaxherial ndryshon nga kontabiliteti financiar sepse qëllimi i synuar i kontabilitetit menaxherial është të ndihmojë përdoruesit e brendshëm të kompanisë në marrjen e vendimeve të mirëinformuara të biznesit. FMT Consulting është gjithmonë e gatshme të ju ndihmoj në pjesën e menaxhimit të punëve apo detzrave në konpaninë tuaj, duke identifukar të gjitha reziqet dhe implementuar strategjitë më të përshtatura për biznesin përkatës.
Përdoruesit e pasqyrave financiare
Grupe të ndrueshme njerëzish kanë nevojë për informacione rreth aktiviteteve afariste të secilit biznes.
(a) Menaxherët e kompanisë të caktuar nga pronarët e kompanisë për të mbikëqyrur aktivitetet e përditshme të kompanisë. Atyre iu nevojiten informacione rreth situatës financiare të kompanisë – mënyrës se si është tani dhe se si pritet të jetë në të ardhmen. Kjo iu mundëson atyre arritjen e efikasitetit në biznes dhe marrjen e vendimeve efektive.
(b) Aksionarëve të kompanisë, pra pronarëve të kompanisë, të cilët duan ta dinë se sa mirë po përmbush menaxhmenti detyrat e veta. Ata duan ta dinë se sa fitimprurëse janë aktivitet e komapnisë dhe sa fitim mund të tërheqin prej biznesit për ta përdorur për qëllimet e tyre personale.
(c) Personat që punojnë me kompaninë përfshijnë furnitorët të cilët furnizojnë kompaninë me mallra me kredi (afat pagese) dhe klientët të cilët blejnë mallra ose shërbime të prodhuara nga kompania. Furnitorët kërkojnë të dijnë rreth afëtsisë së kompanisë për të paguar borxhet e veta; klientët kërkojnë të dijnë nëse kompania është një vend I sigurtë prej nga furnizohen dhe nëse është ose jo në rrezik të mbyllet.
(d) Personat që financojnë kompaninë mund të jenë një bankë e cila I lejon kompanisë të ketë një overdraft ose që I siguron kreditim afatgjatë duke i garantuar një kredi. Banka dëshiron të sigurohet se kompania është e aftë të ripaguajë pagesat e interest dhe bashkë me shumat e marra hua.
(e) Autoritetet tatimore kërkojnë të dijnë rreth fitimeve të biznesit në mënyrë që të vlersojnë tatimet e pagueshme prej kompanisë, përfshirë këtu Tatimin në vlerën e shtuar e tatime të tjera të shitjes.
(f) Punonjësit e kompanisë duhet të kenë të drejten e marrjes së informacioneve rreth situatës financiare të kompanisë, për arsye se e ardhmja e tyre, karriera dhe shuma monetare pagave dhe rrogave të tyre varet prej kësaj situate.
(g) Analistët dhe këshilltarët financiarë kanë nevojë për informacione për klientët ose personat që marrin këshilla prej tyre. Për shembull, agjentët e këmbimit të aksioneve kanë nevojë për informacione në mënyrë që të kshillojë personat që duan të investojnë; agjencitë e kreditit duan informacione në mënyrë që të këshillojë furnitorët e mundshëm të mallrave të kompanisë; de gazetarët kanë nëvojë për informacione për publikun që lexon mediat e tyre.
(h) Qeveritë dhe agjencitë e tyre janë të interesuara për alokimin e burimeve dhe si pasojë për entitetet e biznesit. Ato gjithashtu kërkojnë informacione në mënyrë që të marrin të dhëna për statistika kombëtare
(i) Publiku i gjerë. Entitetet kanë ndikim mbi elementët e publikut të gjerë në një sërë mënyrash. Për shembull, nëpërmjet krijimit të vendeve të punës dhe përdorimit të furnitorëve vendas ato kontribojnë në ekonominë vendore. Një faktor tjtër i rëndësishëm është efekti i këtij entiteti mbi ambijentin, për shembull ndikimi mbi ndotjen.
Në çdo analizë të pasqyrave financiare, edhe ajo që ka për objekt rrjedhjet financiare, duhet të ndjek një procedurë të caktuar. Hapat e kësaj procedurë që duhet ndjekur gjatë një analize financiare cilësore janë:
Mbledhja dhe formimi i dokumentacionit kontabël,
Klasifikimi dhe kontimi i të dhënave në librat afarist,
Hartimi i raporteve financiare.
Procesi i kontabilitetit apo sisitemi i raportimit financiar, të cilat gjenerojnë informacionin financiar për përdoruesit e jashtëm duhet të përfshijnë ato pasqyra kryesore financiare të cilat janë të domosdoshme për t’u përgaditur dhe raportuar siç specifikohet në Standardet Ndërkombëtare të Kontabilitetit. Sipas SNK/IAS një komplet i tillë i pasqyrave përfshinë:
Bilanci i gjendjes (pasqyra e pozicionit financiar),
Pasqyra e të ardhurave,
Pasqyra e rrjedhjeve të arkës (rrjedhjet e parasë së gatshme),
Pasqyra e ndryshimeve në ekuitet,
Politikat e kontabilitetit dhe shënimet shpjeguese.
Në këtë punim ne do t’i trajtojmë kryesisht tre pasqyrat e para, të cilat përndryshe janë ndër raportet më të kërkuara. Pasqyrat financiare lidhen me njera tjetrën, sepse marrin shifra nga njëra tjetra, p.sh., bilanci i gjendjes merr mga pasqyra e ndryshimit të kapitalit, kapitalin në datën e ndërtimit të bilancit (në fund të periudhës), pasqyra e ndryshimeve në kapital merr nga pasqyra e të ardhurave dhe shpenzimeve shumën e të ardhurës neto të realizuar gjatë periudhës, pasqyra e rrjedhjave të arkës merr nga pasqyra e lëvizjes së kapitalit investimet dhe tërheqjet e pronarit, etj. Të katër pasqyrat së bashku japin në mënyrë të plotë dhe sistematike informacionin që u nevojitet të tretëve për një ndërmarrje të caktuar, pavarësisht nga madhësia e saj.
Analiza e pasqyrave financiare është një process kompleks që kërkon dije të thella e të gjithanëshme jo vetëm në fushën e kontabilitetit, por kërkon njohuri të mira në fushen makroekonomike, mikroekonomike, ashtu edhe në fushën e metodave statistikore e matematikore me anën e të cilave maten dhe studiohen nivelet, tendencat dhe lidhjet ndërmjet treguesve të ndryshëm ekonomikë e financiarë e të faktorëve që ndikojnë në ndryshimin e tyre.
Ekzistojnë analizatë ndrysheme në varësi të asaj se nga kush bëhen dhe për qafrë qëllimi bëhën, kështu kemi analiza horizontale dhe veritikale, analiza të brendëshme dhe të jashtme, analiza statike dhe dinamike, analiza historiek dhe te perspektives, etj.
Bilanci i gjendjes
Bilanci i gjendjes jep informacion të vlefshëm financiar për një kompani të caktuar, sidomos kur veprimtaria e saj shtrihet prej disa vitesh dhe shqyrtohet bashkërisht me pasqyrat e tjera financiare. Që të mund ta realizojmë këtë objektiv, bilanci i gjendjes duhet të jetë i lexueshëm dhe duhet të dimë ta lexojmë atë. Por, sidoqoftë duhen njohur paraprakisht llogaritë bazë të bilancit, kuptimi i tyre, funksionimi dhe lidhja e secilës llogari me bilancin dhe me pasqyrat tjera financiare.
Bilanci i gjendjes është thjeshtë një listë e të gjitha pasurive që biznesi zotëron dhe të gjitha detyrimeve që ai ka në një datë të caktuar. Secilës pasuri dhe detyrim i caktohet një shumë përkatëse monetare. Bilanci i gjendjes në një ndërmarrje jep përgjigje se çfarë kanë investuar pronarët e saj.
Me fjalë tjera bilanci i gjendjes, paraqet një lloj të pasqyrës krahasuese tabelare dyanësore, në njëren anë pasqyrohen të gjitha mjetet dhe në anën tjtër të gjitha burimet e mjeteve me të cilat disponon kompania në një datë të caktuar. Apo thënë ndryshe, bilanci i gjendjes paraqitet në formë të pasqyrës së dyanshme, në anën e majtë – Aktivi ( ku përfshihen astete të tilla si; toka, ndërtesa, makinat, mjetet monetare, etj), ndërsa në anën e djathtë – Pasivi (ku paraqiten detyrimet dhe kapitali i pronarit/ve).
Pasqyra e të ardhurave
Pasqyra e të ardhurave është një regjistër i të hyrave të gjenruara dhe shpenzimeve të ndodhura për një periudhë kohore.
Kjo pasqyrë tregon nëse biznesi ka pasur më shumë të hyra se sa shpenzime (pra fitim) ose e kundërta (humbje). Pasqyra e të ardhurave reflekton efektet operative menaxheriale në përmasat e biznesit dhe rezultatin e tyre në fitim apo humbje për pronarët e biznesit gjatë një periudhe të caktuar kohore. Fitimi apo humbja e llogaritur në pasqyren e të ardhurave rrit apo zvogëlon pasurinë e aksionarit në bilancin e gjendjes.
Pasqyra e rrjedhjeve të arkës
Pasqyra e rrjedhjeve të arkës duhet të paraqitet si një pjesë integrale e pasqyrave finnaciare të një entiteti. Të gjitha llojet e entiteteve mund të japin informacione të dobishme rreth rrjedhjave të arkës pasi nevoja për para të gatshme është universale, cilado qoftë natyra e aktiviteteve që gjenerojnë të hyra. Pra të gjitha entiteteve iu kërkohet me standard të përpilojnë një p.sqyrë të rrjedhjave të arkës.
English